‘n Haarstyl en ‘n Houding!

Te danke aan Sonkind se getagery het ons nou insae op almal se prille jeug gehad, behalwe vir ou agteros! Dis werklik cute en interessant om die doen en lates van ons ma’s met hulle babas/jong kinders te sien – die kleertjies, verjaarsdagkoeke, ens. En natuurlik hoe opeet-oulik almal was toe hulle so klein was. (Ek wed daar’s nou ‘n paar ouers wat wens hul het daardie tyd hul kleintjies opgeeet – sou hulle baie probleme later jare gespaar het – hiehie!)

Ek kom werklik tot die gevolgtrekking my ma was besonder gesteld op netheid, maar veral die perfekte haarstyl vir haar eersteling – dis ‘n ooglopende faktor deur al my kleintydfotos.

Hier was ek agt maande oud – let op die krulrolletjie wat baie versigtig om ma se wysvinger gekam is, sy het verseker nog kam-in-die-hand agter die fotograaf gestaan toe hierdie foto geneem is. (Sy was tot onlangs nog in oefening met die einste rolletjie op haar 1ste agterkleinkind se kop!) Daardie jare is die meeste ateljee babafotos deur Stella Nova Studios geneem. (Hoe lekker verklap ek nou die oudersom!)

Op foto nommer twee was ek 18 maande oud en lyk soos ‘n klein Portugesie! Die rede: my hare is ingedraai vir ELKE geleentheid. Sodra ons net ‘n blok of wat van die eindbestemming af was, is die krullers gou uitgehaal (babahaartjies is mos sag en val baie vinning plat/hang uit). Die doel heilig egter die middel en die eerste (regte) indruk is gestel deur my ma wat verseker baie trots was op haar bloedjie se haredos! Dink net hoeveel ure moes ek probeer stilsit onder my ma se kruldraaiende vingers – dis babamishandeling! Ma het seker maar altyd gewens sy het ‘n krulkop dogtertjie gehad (my “Wella-straights” het egter nog al die jare hul eie idee omtrent krulle gehad: glad nie!)

Op foto nommer drie is ek vyf en in graad een. Kyk net daardie twee stywe ponies en die lynreg paadjie! (Ek is seker die vel oor my gesig was styf getrek deur daardie twee stywe ponies.) Daar is sowaar nie ‘n haartjie uit plek vir hierdie baie belangrike eerste skoolfoto nie – daarvan het ma die oggend definitief BAIE seker gemaak.

Hierdie laaste foto het niks met hare te doen nie. Dis eintlik vir my die cuteste foto uit my kleintyd. Ek was ongeveer 6 of 7, ons het gekamp en ek moes afdroog terwyl daar natuurlik 101 ander dinge was wat ek eerder graag sou wou doen. Die dikbek spreek boekdele en nodeloos om te se: oor skottelgoed voel ek nou nog dieselfde, behalwe dat ek myself so oor die jare maar vereenselwig het met my lot en dit gedienstig en gedwee afhandel (het darem intussen ‘n skottelgoedwasser gekry). Ag-ja, wat sal ons nou se: “It starts when you sink in his arms and it ends with your arms in the sink!”

Mag julle elkeen ‘n wonderlike week beleef, ryk van ons Koning se genade en liefde!

Advertisements

4 Responses

  1. Jy was die mooiste ou dogtertjie, ingedraaide koppie en al…. Daai skoolfoto lyk jy baie soos Xan of eerder Xan lyk baie soos jy!!!!! ♥ Dis pragtig Von… ♥

  2. Sweetie pie.

    My ma moes maar met my hare opgee.

  3. Cute man, cute!!!! Die eerste foto wil mens net opvreet 😉

  4. haha, jy lyk so lekker kwaad. Dit is ‘n treffer.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s

%d bloggers like this: